تقريبًا معظم الجامعات الحين فيها تحضيري ، المواد فيها عامة نوعـاً ما وبعدها يكون التخصص .

السنة الطويلة المليئة بالأحداث ،ما أحب البدايات ، بس عمومًا نبدأ من انتظارنا لنتائج  التحصلي والقدرات ، لما نتيجة الثانوي ، واخر شي المجموع ككل ، طبعًا اعصاب مشدودة وهم وقلق ، لحد ماطلع القبول بجامعة الملك عبدالعزيز وأخذنا موعد سوينا البطايق وبقي اختبار تحديد المستوى في الانقلش ،كان بعد أسبوع تقريبًا ، اختبرنا دخلناه بدون مذاكرة طبعًا بس كنا متأملين جدًا ، وبرضو انتظرنا لين ماطلع المستوى ونزلت الجداول ، وهنا ارتحنا كثير والحمدلله .

  .

وصار تفكيرنا كيف الجامعة ونظامها في طريقة اللبس ، المذاكرة وتنظيم الوقت .

أول يوم في الجامعة ما أنساه ، معظم وقته كان مع قريباتي ، لطيف نوعًا ما بغض النظر عن إني كنت خايفة ، بس من البداية تعرفت ع الصديقة الجديدة ” شهد” كانت معي بالصدفة في اختبار تحديد المستوى وبعد الاختبار كنا سوى نتكلم ، قابلتها فأول كلاس انقليزي وما أخفي لكم بأننا وقتها “حسينا بالأمان” ع أساس نعرف بعض من قبل.

 .

كل وحدة أخذت رقم الثانيه ومشينا ، واليوم الثاني تقابلنا وطلعت كل المواد عندنا نفس الشعب :$ |هذا كان افضل شعور لي كبداية |

بالنسبة لي أول أيام  كانت جدًا مملة وعصيبة ، خاصة إنه ساعات الانقليزي جدًا طويلة وماتعودنا كذا فالمدارس.

 .

في الصباح احاول الحق على القولف كار ، واوصل للمبنى المرمي بآخر الجامعة احضر الانقليزي استنى بريك النص ساعه بين الثلاث ساعات ، انزل للكافتيريا واقعد بين زحمة بنات التحضيري اخذ فطوري واكله وانا راجعة الكلاس في الغالب لأنه الوقت مايكفي.

 .

( بس في نقطة استفدتها شوي صرت اشرب القهوة وهي حارة كاملة  وبسرعة) لأنه الدكتورة ماكانت تحب أحد يشرب وهي تشرح .

 .

أطلع وعلى المبنى الثاني ومنه لمبنى ثاني وكل واحد كان بعيد عن الباقين بمسافه تطفش،  كرهت المشي ذيك الفترة + كنت أضيع بالمباني ونمشي عالخريطة ، وإذا وقفتنا بنت تسأل عن مبنى نتنح

(شهد طبعًا كانت رفيقتي هي وصحبتها غيداء بحكم انهم كانوا سوى بنفس المدرسة)

وياما ضعنا وياما صارت مواقف ، القولف كار على بالي كلهم يوصلون طالبات ، ومن أي مبنى لأي مبنى وحطيت نفسي بمواقف بايخة كثير.

 .

في المحاضرات

اكتب المحاضرة بسرعة ارجع البيت اعيدها ، وهالشي كان يضيع وقتي ، لكن كنت استفيد لأن المعلومة تتثبت بهالطريقة .

 .

 دوامي 

اطلع للجامعة ٧ ارجع ٤ وانام ، متى ماصحيت اكمل أشيائي ، يعني اهليماكنت اشوفهم كثير و ايوة احيان تقفل معي وأجلس أبكي.

 

 بعد شهر تقريبًا

بديت أتأقلم على الوضع ، صرت استمتع بالقهوة في الصباح ، أحب أمشي كثير ، وأفهم بالمباني بعد واختصر الطريق.

وأهم شي صرت أعرف وين يوقفون القولف كار ، وين توصل.

نظامي تعدل الحمدلله ، وصار وقت للنوم وقت للمذاكرة ووقت اقدر اجلس فيه مع أهلي ولو إنه قصير شوي.

 .

كانت سنة جدًا طويلة ومليانة كثير ، بعد أول مستوى كنت أحس إني تخرجت من التعب ، بس كل كرف وراه نتيجة والحمد لله.

 . 

بديت المستوى الثاني ، وكان جدولي سيء وبحكم إننا تحضيري كان ممنوع تغيرين شعب ، إلا إذا كان ودي بين الدكتورات نفسهم ، أول أسبوعين كانت مرمطة وطفشت كثير، لين ضبطت أموري واستقريت .

 .

أما عن الاختبارات

كان لا بد أطلّع على  أسئلة من أسئلة الاختبارات اللي راحت ، وبحكم إن الأسئلة موحدة لكل التحضيري بجامعة الملك عبد العزيز ولجنة معينة تسويها ، كان لازم أنتبه أفوت شي وأركز على القوانين والأساسيات ، والأكيد أشوف طرق أسئلة جديدة لأنه قليل اللي يجي بطريقة مباشرة .

  .

– اللي استفدته من هالسنة كثير كثير كثير ، 

وهنا بختصر لكم أهم شي ..

 .

– في اللبس أهم شي خذي لك شي مريح وعملي عملي عملي ، لأنه بعض الأقمشة أبدًا ماتصلح للدوام ، وتطفشك .

– شنطتك أهم شي تكون كبيرة شوي ، كتب الجامعة معروف حجمها ، إلا إذا ماكنتي تحتاجين الكتاب معك .

– لازم يكون معك نوت تسجلين فيه ملاحظاتك.

– وأهم شيء دفتر جامعة يكفي لمحاضراتك :p ، انا كنت أستخدم واحد لمادتين وحدة محاضره بمحاضرة اكتب ، والمادة الثانيه بعض الأحيان اسجل ملاحظات معينة .

– وقتك اولًا واخيرًا نظميه ، اول اسبوعين ملخبط شوي ، بعدين خلاص رتبيه لأنك بتحتاجين لكل دقيقة فيه .

– المذاكرة اول بأول ، أيام الثانوي نذاكر للدوريات بنفس اليوم مره ماتنفع ، لازم من البداية مذاكرة وعارفه كل شي مكتوب + حلي مسائل كثير بطرق مختلفة .

– فالمذاكرة حركة إنه لا هذا شي صعب ما أتوقع يجيني ، هذا سهل بيجيني ، لاتفكرين فيها ، توقعي كل شيء وذاكري كل شي ، عالأقل مثال واحد من كل طريقة .

-إذا ما فهمتي من دكتورتك شوفي إذا عندك بريك احضري لغيرها ، إذا ماصادف وقت بريك مع وقت محاضره ، شوفي في النت دوري واسألي ، أو اقرئي ملخصات . 

– إذا جامعتك أسئلتها موحدة زي جامعتنا ، حاولي تتطلّعي على كذا أسئلة ، وعلى كذا ملخص برضو.

– إذا كان قبل الاختبار بيوم وماخلصتي مذاكرة ، لاتشغلي بالك بأي شي جانبي ممكن تذاكري منه (من ملخصات واسئلة ومراجعات)، ذاكري الشيء الاساسي وبس .

– نامي ساعات كافية قبل الاختبار لاتروحين ابد وانتي مواصلة حتى لو ماخلصتي المقرر عليك.

– المحاضرة اكتبي كل كلمة ، وركزي معها ، ولا تعتمدي على أحد أبدًا .

– رتبي أمورك من البداية ولا تراكمي شيء لأنه كله بيرجع عليك وبتتعبين.

– اذا عندك مادة تعتمد ع الحفظ ، حاولي من البداية تحفظين شوي شوي منها ، عشان ماتحسين إنها كثيرة وقت الاختبار.

 .

*بالأخير لا تسمعين لأحد يقولك صعب ومابتقدرين ، إذا شديتي حيلك كل شي بيتسهل بإذن الله ، كلنا فالبداية نواجه صعوبات ، بعدين نتأقلم ، و الله يوفق الجميع *

إذا عندك أي سؤال اضافي